2300 жилийн настай усан ашиглалтын байгууламж одоо ч ажилласаар байна

Дэлхийн хамгийн эртний усан ашиглалтын байгууламжийн нэг бол БНХАУ-ын Дү Жян хашлага юм. МЭӨ 256 онд буюу өнөөдрөөс 2300 жилийн өмнө баригдсан энэ байгууламж одоо ч ажилласаар байгаа ажээ. Голын дунд загасны хошуу хэлбэртэйгээр байгуулсан энэ далан үерийн үед усны 60 хувийг өөр тийш урсгаж, ачааллыг бууруулдаг байна. Мөн лаг, элсийг цэвэрлэх, усны түвшинг хянах системтэй. Энэ бол цахилгаангүй, машин механизмгүй эринд эртний хүмүүсийн зохион бүтээсэн гайхамшигт байгууламж юм.