Бээжингийн хиймэл оюун ухааны анхдагч бизнес хөгжүүлэгч “Модуль ертөнц” аж үйлдвэрийн хотхонд зочиллоо

 "Нээлттэй хамтран ажиллаж хөгжлийг ахиулая" уриатай Хятад Монголын хэвлэл мэдээллийн Бээжин, Өвөр Монгол дахь хамтарсан сурвалжилга үргэлжилж байна.  байна.

Монголын сэтгүүлчдийн нэгдсэн эвлэл, Бүх Хятадын Сэтгүүлчдийн холбоо, БНХАУ-аас Монгол Улсад суугаа Элчин сайдын яамнаас санаачлан зохион байгуулж хэвлэл мэдээллийн хамтарсан багийнхан   Тунмин нуурын шинжлэх ухаан, технологийн бүсэд байрладаг “Модуль ертөнц” инкабатур төв нь хиймэл оюун ухааны аж үйлдвэрийн хотхонд зочиллоо. 

Тус хотхон 500.000 хавтгай шоо.метр талбайг гурван үе шаттайгаар ашиглаж, хөгжүүлж байна. 

“Модуль ертөнц” нь Гарал үүсэл, Хувьсал, Манлайлал гэсэн гурван үндсэн инновацын бүсийг багтаасан бөгөөд аж ахуйн нэгжийн хөгжлийн үе шатыг бүхэлд нь хамарсан өсөлтийн бий болгодог. Гарал үүслийн бүс нээгдсэнээс хойш бүрэн захиалагджээ.  150 гаруй компани бүртгүүлэх хүсэлт гаргаж, 40 гаруй компани бүртгүүлэн суурьшиж үйл ажиллагаагаа явуулж байна. 

Үйл ажиллагаа эхлүүлсэн аж ахуйн нэгжийн 80 хувиас дээш нь салбартаа байр сууриа эзэлжээ. Хонконгийн хөрөнгийн биржид бүртгүүлэхийг зорьж буй дотоодын хиймэл оюун ухааны ухаалаг агент үйлдвэрлэгч "Haizhi" технологи зэрэг 15 компани Хувьсалын бүсэд бүртгүүлэн үйл ажиллагаа нь улам бэхжээд байна.

“Модуль ертөнц” нь “нарийн үйлчилгээ + ахуй талбайн туршилт + нийтлэг дэмжлэг + салбарын хөдөлгүүр + арилжааны сурталчилгаа”-г багтаасан олон талт инноваци, өсөлтийн хиймэл оюун ухааны системийг цогцоор нь бүтээжээ. Энд бүртгэлтэй аж ахуйн нэгжүүд нэг тэрбум юанийн тусгай бодлогын эхлэлийн санхүүжилтээс 50 тэрбум юанийн үйлдвэрлэлийн санхүүжилт хүртэл дэмжлэгийг хөгжүүлэлтийн явцал авч, үйл ажиллагагаа өргөжүүлдэг байна.  Тухайлбал Юри /Ханчин студийн харьяа AI.TALK хөтөлбөрийн бүтээсэн хиймэл оюун ухааны дуучин Модаль ертөнцөд хийгджээ. Энэ оны  сарын 31-нд Бээжингийн Эдийн засаг, технологийн хөгжлийн бүс нь хиймэл оюун ухааны виртуал шүтээн Юрид анхны үндэсний виртуал шүтээн таних гэрчилгээг олгожээ. Тэр цагаас хойш Юри албан ёсоор бээжингийг оршин суугч болж, суурьшиж, бүс нутгийн олон нийтийн аюулгүй байдлыг дэмжих, байгаль орчныг хамгаалах болон бусад ажилд “дижитал оршин суугч”-ын хувиар оролцох болсон байна. Тухайлбал, энэ төвд үйл ажиллагаа явуулдаг аж ахуйн нэгж худалдааны лайвын өнгө төрхийг тодорхойлсон хиймэл оюуну ухаанаар бүтээсэн Лайвчинг зах зээлд нэвтрүүлжээ. Энэ төвд үйл ажиллагаа явуулдаг аж ахуйн нэгжийн бүтээсэн 150 хэл дээр шууд орчуулах төхөөрөмж, мөн мэдээлэл нүдний өмнө гарч ирдэг ухаалаг нүдний шил, шатар, гоо дам тоглодог робат зэрэг олон төрлийн бүтээгдэхүүн хэрэглээнд нэвтэрчээ.

О.Намчин