Монгол Улс “КАРДО” олон улсын шагналт уралдаанд оролцож байна
Монгол Улс ОХУ-ын Владивосток хотноо болж буй гудамжны соёл, спортын чиглэлийн “КАРДО” олон улсын IX уралдаан, шагналын “Гранд финал”-д оролцож байна. Энэ удаагийн тэмцээнд Монгол Улс нийт 99 оролцогч оронд багтан өрсөлдөж байгаа бөгөөд залуу тамирчид, бүжигчид, хөгжимчид, уран бүтээлчид олон улсын тавцанд эх орныхоо соёл, авьяас чадварыг сурталчлан, дэлхийн гудамжны соёлын нийгэмлэгийн төлөөлөлтэй туршлага солилцож байна.
Монгол Улс ОХУ-ын Владивосток хотноо болж буй гудамжны соёл, спортын чиглэлийн “КАРДО” олон улсын IX уралдаан, шагналын “Гранд финал”-д оролцож байна. Энэ удаагийн тэмцээнд Монгол Улс нийт 99 оролцогч оронд багтан өрсөлдөж байгаа бөгөөд залуу тамирчид, бүжигчид, хөгжимчид, уран бүтээлчид олон улсын тавцанд эх орныхоо соёл, авьяас чадварыг сурталчлан, дэлхийн гудамжны соёлын нийгэмлэгийн төлөөлөлтэй туршлага солилцож байна.
“КАРДО” шагналт уралдааныг ОХУ-ын Ерөнхийлөгчийн дэргэдэх “Россия — страна возможностей” (“Орос – боломжийн орон”) платформ зохион байгуулдаг.
“КАРДО”-гийн IX улирлын “Гранд финал” 2026 оны есдүгээр сарын 17-20-ны өдрүүдэд Владивосток хотод болж байна. Төслийн есөн жилийн түүхэнд анх удаа финалын шат ОХУ-ын Алс Дорнодод зохион байгуулагдаж буйгаараа онцлогтой.
Тэмцээний үндсэн үйл ажиллагаа Владивосток хотын Русский арал дахь Алс Дорнодын холбооны их сургуулийн (ДВФУ) кампуст болж байна. Тус кампусын цэнгэлдэх хүрээлэнг “КАРДО”-гийн нэгдсэн талбай болгон тохижуулж, спортын талбай, скейтбордын парк, рампууд, рэп-баттлын болон лекц, уран бүтээлийн сургалт, мастер-классын орон зайг нэг дор бүрдүүлжээ.
Энэ жилийн “Гранд финал”-д дэлхийн 70 орны 500 гаруй шилдэг оролцогч оролцож байгаа бөгөөд тэд дэлхийн хэмжээнд 51 мянга гаруй хүн оролцсон сонгон шалгаруулалтаас шалгарчээ. Нийт финалд оролцогчдын 45 орчим хувийг гадаадын улс орнуудын төлөөлөл эзэлж байна.
“КАРДО” шагналт уралдаан нь есөн жилийн өмнө ОХУ-д гудамжны соёл, спортын чиглэлийн фестиваль хэлбэрээр анх байгуулагдсан бөгөөд өдгөө дэлхийн улс орнуудын оролцогчид, мэргэжилтнүүд болон гудамжны соёлын төлөөлөгчдийг нэгтгэсэн олон улсын томоохон талбар болон өргөжжээ.
ОХУ-ын Ерөнхийлөгчийн дэргэдэх “Россия — страна возможностей” платформын Ерөнхий захирал Андрей Бетин “КАРДО”-гийн талаар хэлэхдээ:
“КАРДО бол зөвхөн тэмцээн уралдаан биш. Энэ бол дэлхийн улс орнуудын залуучууд авьяас чадвараа хөгжүүлж, туршлага солилцон, спорт, соёл, бүтээлч үйл ажиллагаагаар дамжуулан шинэ боломжийг нээж болох орон зай юм” хэмээн онцоллоо.
Энэ жилийн хөтөлбөрт нийт 13 төрлийн спорт, соёлын чиглэлээр тэмцээн зохион байгуулж байна. Үүнд экстремал спортын төрөлд BMX, роллерблейдинг, кикскутеринг, скейтбординг; гудамжны спортын төрөлд трикинг, воркаут, фриран, паркур; гудамжны соёлын төрөлд дижей, граффити, рэп, хип-хоп, брейкинг багтаж байна.
Үүнээс гадна оролцогчдод зориулсан боловсролын лекц, мастер-класс, салбарын мэргэжилтнүүдтэй уулзалт, мөн видео бүтээлийн уралдаан, грантын хөтөлбөр, гудамжны хувцасны залуу дизайнеруудын уралдаан зохион байгуулагдаж байна. Мөн гудамжны соёл, спортын салбарын хөгжилд оруулсан хувь нэмрийг үнэлэх тусгай шагнал гардуулдаг.
“КАРДО” IX улирлын “Гранд финал”-ыг ОХУ-ын Ерөнхийлөгчийн дэмжлэгтэйгээр зохион байгуулж байгаа бөгөөд дэлхийн хэмжээнд гудамжны соёл, спортын салбарт авьяас чадвартай залуусыг илрүүлэн дэмжих, хөгжүүлэх, олон улсын түвшинд гаргах зорилготой юм.
Дэлгэрэнгүй мэдээллийг: https://kardoaward.com/
Зургийн эх сурвалж: https://disk.360.yandex.ru/d/8TLFCOIhkOEuow