Орост энэ зун хэт халах төлөвтэй

2026 оны зун ОХУ-ын ихэнх нутгаар хэт хална гэж Ус цаг уурын төвөөс сэрэмжлүүлжээ. Тодруулбал ирэх зургадугаар сарын дундаж халалт нутгийн баруун хойд бүс, Волга мөрний ай сав, Уралын нуруу, Красноярскийн хязгаарт ердийн хэмжээнээс давах төлөвтэй байна. Харин долдугаар сард төвийн нутгийн зүүн хэсэг, баруун хойд болон өмнө зүгийн бүс, Волга мөрний ай сав, Уралын нуруу дагасан ихэнх нутгаар мөн илүү халж, хур тунадас огцом буурах тул гал түймрийн аюулаас сэрэмжилж, ургац тариалангийн салбарт онцгой анхаарал хандуулахыг цаг уурчид зөвлөж байгаа юм.